Archive

Archive for the ‘AZE’ Category

Cabbar`a və ailəsinə dəstək ol !

March 8, 2011 Leave a comment

Cabbar Savalanlının ailəsinə maddi dəstək üçün Bank Hesabı:

AZƏRBAYCAN BEYNƏLXALQ BANKI

Bankın adı: Azərbaycan Beynəlxalq Bankın
Sumqayıt filialı
SWIFT IBAZAZ2X

Kod: 805658
Müxbir hesab 0137010002944
VÖEN 9900001881

Swift kodu: İBAZAZ2X

Benefisiarın Adı: Əliyeva Təravət Rəhim

Benefisiarın hesablaşma hesabı: 33801019442803211213

Categories: AZE

Azərbaycanda “narkomaniya”

March 8, 2011 Leave a comment
Categories: AZE, РУС, ENG, TÜRKÇE

Cabbar Savalan forum

March 8, 2011 2 comments

“Bu repressiyalara görə, şəxsən İlham Əliyev məsuliyyət daşıyır”

Azərbaycan gəncliyi repressiyalardan qorxmadığını bəyan etdi

Narkotiklə şərlənərək həbs edilən AXCP Gənclər Komitəsinin üzvü Cabbar Savalanlının Hüquqlarını Müdafiə Komitəsi ötən gün 300-ə yaxın gənc fəalın iştirakıyla forum keçirib. Tədbirlə bağlı xəbər əvvəlcə “Azərbaycan gəncliyinin Cabbar Savalanlı Forumu” adıyla elan edilsə də, martın 4-də gənc fəal, deputatlığa keçmiş namizəd Bəxtiyar Hacıyevin həbs olunması, AXCP Gənclər Komitəsinin daha bir üzvü Dəyanət Babayevin oğurlanması forumun mövzusunun ümumi gəncliyin probleminə çevrilməsinə səbəb oldu.

Hamı potensial Cabbardır!

Forum ADP-nin qərargahında keçirildi. Tədbir keçirilən salonun divarları “Cabbar Savalanlıya azadlıq!”, “Azadlıq – bu nəşəni bir ömür boyu dadmağa hazırıq!”, “Tunisli bir gənc – bizim üçün o, Cabbardır!”, “Gələcəyimizi düşünək!” kimi şüarlar, həmçinin Cabbarın, Bəxtiyarın və Dəyanətin fotoları asılmışdı. Zalda üzərində “Növbədə mənəm…” şüarı yazılan xüsusi geyimli gənclər də vardı.
Foruma AXCP, Müsavat, ADIP, VHP kimi siyasi partiyaların gənclərilə yanaşı, partiya mənsubiyyəti olmayan, “Dalğa”, “Azad gənclik”, “10 dekabr”, “Bütöv Azərbaycan” kimi gənclər təşkilatlarının fəalları, yazarlar, hüquq müdafiəçiləri də qatılmışdı.

“Biz yox, İlham Əliyev qorxu içindədir”

Dövlət himninin səslənməsi ilə başlanan forumda Cabbar Savalanlının Hüquqlarını Müdafiə Komitəsi və AXCP Gənclər Komitəsinin sədri Əbülfəz Qurbanlı ilk çıxışçı oldu. O bildirdi ki, Read more…

Categories: AZE

Sumqayıt məhkəməsi önündə Cabbara dəstək aksiyası

February 14, 2011 1 comment

“Hamımız Cabbarıq, hamımız narkomanıq”

Sumqayıt Şəhər Məhkəməsində AXCP Gənclər Komitəsinin üzvü Cabbar Savalanlının saxlanılan zaman hüquqlarının pozulması, vəkillə təmin olunmaması, dindirilərkən psixoloji təzyiqə məruz qalmasına dair şikayətə baxış baş tutmayıb. Fevralın 14-də, saat 17.00-a təyin olunan proses fevralın 17-nə təxirə salınıb. Vəkil Anar Qasımovun sözlərinə görə (“Media forum”), səbəb Cabbar Savalanlını məhkəmə zalına gətirilməməsi olub: “Eyni zamanda biz işə baxan hakimə öz etirazımızı bildirdik. Çünki o, Cabbar Savalanlı haqqında həbs qətimkan tədbirinin seçilməsinə qərar verən Elman Məmmədov idi”.

Məhkəmə baş tutmasa da, Cabbar Savalanlının müdafiəsi məqsədilə təşkil olunan aksiya baş tutub. Sumayıq Şəhər Məhkəməsinin yaxınlığındakı parkda keçirilən aksiyanı AXCP Gənclər Komitəsi təşkil etmişdi. Aksiya iştirakçıları “Biz istəmirik çörək, tiryək, tiryək, tiryək gərək”, “Hamımız Cabbarıq, hamımız narkomanıq” yazılmış plakatlar və Cabbar Savalanlının fotolarını qaldırıblar. Aksiya dinc şəkildə keçib, saxlanılan olmayıb.

Cabbar Savalanlının hüquqlarını müdafiə komitəsinin sədri Əbülfəz Qurbanlı bildirib ki, onlar hər həftə Cabbarla bağlı aksiya, müxtəlif tədbirlər keçirməyi planlaşdırırlar.

Categories: AZE

İctimai Palata Cabbar Savalanlıya azadlıq tələb edir

February 11, 2011 Leave a comment

İctimai Palatanın Koordinasiya Şurası AXCP-çi gənc fəal Cabbar Savalanlının həbsi ilə bağlı bəyanat verib. Bəyanatda deyilir:

“Azərbaycan Xalq Cəbhəsi Partiyasının gənc fəalı Cabbar Savalanlının Cinayət Məcəlləsinin 234.1 maddəsi ilə (Satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama) ittiham olunaraq haqqında iki aylıq həbs qətimkan tədbiri seçilməsini İctmai Palata kəskinliklə pisləyir.
Palata baş verənləri birmənalı şəkildə ölkə vətəndaşlarının hüquq və azadlıqlarına yönələn represiya kimi dəyərləndirir. Gənc fəalın narkomaniya ilə hər hansı bağlılığını inkar edərək bəyan edir ki, onun hədəflənməsi aktiv etirazçı mövqeyi, siyasi əqidəsi ilə bağlıdır.

Müşahidələr göstərir ki, Cabbar Savalanlı saxlandığı andan prosedur pozuntularla üzləşib. O ilk andan vəkillə təmin olunmayıb, yaxınları həbslə bağlı bilgilındirlməyib, ifadələr fiziki və mənəvi təzyiqlər altında alınıb. Bütün bunlar Cabbar Savalanlıya qarşı qərəz olduğunu sübut edir.
İctimai Palata siyasi motivlə gerçəkləşdirilən bu həbsi avtoritar rejimin öz dayaqlarını gücləndirmək üçün cəmiyyətdə qorxu yaratmaq, insanları fəal vətəndaş mövqeyindən çəkindirmək istəyi ilə əlaqələndirir.

İctimai Palata hakimiyyəti dərhal yol verdiyi səhvi düzəltməyi, Cabbar Savalanlını dərhal azad etməyi, ölkədə siyasi fərqlilikliyə dözümlə yanaşmağı tələb edir”.

Categories: AZE

“Gənclər Facebook fəaliyyətinə görə təzyiqlə üzləşir”

February 11, 2011 Leave a comment

Azərbaycan Xalq Cəbhəsi partiyasının gənclər təşkilatının iki üzvü Facebook-da Azərbaycan hökumətinə qarşı etirazlara çağırdıqdan sonra polisin təzyiqinə məruz qalıb.

Bu barədə Amnesty İnternational təşkilatı Jabbar Savalanın həbsi və Elçin Həsənovun polisə çağrılması ilə bağlı verdiyi bəyanatında bildirib.

Amnesty İnternational deyir ki, hakimiyyətin Azərbaycanda söz azadlığı mühitini növbəti dəfə məhdudlaşdırmaq cəhdlərindən, təşkilatın təbirincə, ənənəvi mediadan əlavə onlayn fəaliyyətinə təzyiqlər etməsindən narahatdır.

20 yaşlı tələbə Cabbar Savalan fevralın 5-də Sumqayıtda həbs olunub. O, Facebookda Azadlıq Meydanında Yaxın Şərq üsyanlarından ruhlanaraq etiraz nümayişlərinin təşkil olunmasına çağırmışdı.

Amnesty İnternational qeyd edir ki, həbsindən bir ay öncə Cabbar Savalan Türkiyə mətbuatında Azərbaycan prezidentini tənqid edən yazını öz Facebook səhifəsinə yerləşdirmişdi. O, həmçinin yanvarın 20-də hökumətə qarşı etirazlarda iştirak edib.

Nümayişlərə çağırışı fevralın 4-də Facebookda yerləşdirdikdən sonrakı gecə o, partiyanın toplantısından qayıdarkən polis tərəfindən saxlanıb. O, toplantıda olarkən polis onun evini axtarıb və bunun üçün əlində anonim məlumat olduğunu bildirib.

Vəkili Əsəbəli Mustafayev deyir ki, polis Cabbar Savalanın qollarını bağlayıb və həbsi və yaxud evinin axtarılması ilə bağlı izahat vermədən onu polis maşınına mindirib.

Amnesty İnternational Read more…

Categories: AZE

CABBAR SAVALANIN HƏBSİYLƏ BAĞLI EUROADIN BƏYANATI

February 10, 2011 Leave a comment

İnformasiya texnologiyalarının inkişaf etməsiylə qloballaşan dünyanın hər bir yanına demokratik cərəyanlar artıq keçmişə nəzərən daha sürətlə yayılmaqdadır. Buna baxmayaraq hələ də bu cərəyanların önünə sədd quran, öz xalqına düşüncə həbsi yaşadan rejimlərin olması olduqca təəssüfləndirici bir haldır.Son 30 ildə bir çox avtoritar, totalitar və bənzəri diktatura rejimlərinin yıxılmasının, sarsılmasının, böyük zərbə almasının şahidi olmuşuq, olmaqdayıq.
Qloballaşan dünya artıq növbəti demokratiya dalğasına hazırlaşır.

Bütün bunlara baxmayaraq, hələ də sərtlikdən istifadə edən rejimlərin gələcək mövcudluğunun sual işarəsi olması hər kəsə məlumdur.

Öz xalqı tərəfindən dəstəklənməyən iqtidar, gec-tez məhvə məhkumdur və süquta uğrayacaqdır.Biz bunun son nümunələrini keçən ay Tunisdə və Misirdə gördük. Əslində bu ölkələrdə baş verənlər, bənzər rejimlərin idarə etdiyi ölkələr üçün dərs olmalıdır.

Bu mənada çox təəssüflə Read more…

Categories: AZE

“Dalğa” GH Cabbar Savalanlının həbsini pisləyən bəyanat verdi !

February 9, 2011 1 comment

Dalğa Gənclər Hərəkatı AXCP Gənclər Komitəsinin fəalı Cabbar Savalanlının həbsini pisləyən bəyanat yayıb. Hərəkat bəyanatda dövlət qurumlarını ədalətli qərar verməyə çağırıb.

“Alma”-ya hərəkatdan daxil olan bəyanatda deyilir: “5 Fevral 2011-ci ildə polis tərəfindən şərlənərən, narkotik saxlama kimi qondarma ittihamla həbs edilən AXCP Gənclər Komitəsinin fəalı Cabbar Savalanlının saxlanılmasını, məhkəmənin 2 ay müddətinə həbs-qətimkan tədbirinin seçməsini qəti şəkildə pisləyirik.

Hesab edirik ki, bu hadisə Azərbaycanda gənclərin siyasi baxışlarının formalaşmasının qarşısını alan bir addımdır. Bu olay ətrafında bütün ictimai aktiv gəncləri həmrəy olmağa çağırırıq. Dalğa Gənclər Hərəkatı olaraq daim insan haqlarının keşiyində durmuşuq. Hər zaman bu cür halların baş verməsini pisləmişik. Bu cür hallar Azərbaycan Respublikasının gənclər siyasətinə, ölkənin beynəlxalq nüfuzuna, gənclərin dövlətə olan inamına və gənclərlə dövlətin arasındakı əlaqədə uçurumun yaranmasına gətirib çıxarır.

Ümid edirik ki, Read more…

Categories: AZE

Cabbar Savalanla bağlı ABŞ-ın Azərbaycanda fövqəladə və səlahiyyətli səfiri Metyu Brayzaya müraciət

February 8, 2011 1 comment

Cabbar Savalanla bağlı ABŞ-ın Azərbaycanda fövqəladə və səlahiyyətli səfiri Metyu Brayzaya müraciət

Hörmətli səfir, Brayza

Biz, demokratiya, söz və ifadə azadlığı, insan haqları kimi ümumbəşəri dəyərlərin ölkəmizdə bərqərar olması uğrunda mübarizə aparan insanlar olaraq, Sizin Azərbaycanda təmsilçisi olacağınız ABŞ dövlətinin bu dəyərləri verdiyi qiyməti bilirik. Sizin də ölkəmizdə fəaliyyət göstərəcəyiniz zaman sadaladığımız dəyərlərin müdafiəçisi rolunda çıxış edəcəyinizə inanırıq.

Hörmətli səfir, Brayza

Diqqətinizə çatdıraq ki, fevral ayının 5-də AXCP gənclər təşkilatının üzvü Cabbar Savalan axşam saatlarında Sumqayıtda yaşadığı binanın yaxınlığında saxlanılıb. Onun barəsində Cinayət Məcəlləsinin 234.1 maddəsi ilə (satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama) cinayət işi açılıb. Fevral ayının 7-də isə Cabbar Savalan barəsində 2 aylıq həbs qət-imkan qərarı çıxarılıb. Gənc fəal polisdə saxlanıldığı müddətdə vəkilləriylə və ailəsiylə görüşə icazə verilməyib.

Biz, Cabbar Savalanın qanunsuz olaraq həbs edildiyini və bu həbsin Azərbaycan hakimiyyətinin ölkədə siyasi repressiyanın növbəti dalğasının davamı olduğunu bilirik. Cabbar Savalana qarşı yönəlmiş ittihamın tamamilə qondarma olduğunu, bunun Azərbaycan hüquq-mühafizə orqanlarının dəfələrlə təcrübədən keçirilmiş əməli olduğu qənaətindəyik. C. Savalanın həbsinin Azərbaycanda mövcud olan demokratik düşüncəli gənclərin qorxudulması və onların hakimiyyətə qarşı səsləndirdikləri tənqidi fikirlərinin dayandırılması məqsədilə həyata keçirildiyi fikrindəyik.

Hörmətli cənab, Brayza

Bütün bu hadisələr Sizin ölkəmizdə fəaliyyətə başlamanızla eyni zaman düşür. Biz, Sizin Cabbar Savalanın qanunsuz həbsinə qarşı səssiz qalmayacağınız, ABŞ səfirliyinin bu kimi məsələlərdə hər zaman sərgilədiyi həssas yanaşmaya son hadisədə də rast gələcəyimizə inanırıq.

Xahiş edirik ki, yaxın günlərdə səfir etimadnamənizi prezident İlham Əliyevdən aldığınız zaman görüşünüzdə Cabbar Savalanın qanunsuz həbsi ilə bağlı məsələni də İlham Əliyevə çatdırasınız! Azərbaycan hakimiyyətini bu kimi məsələlərdə dözümlü və səbirli olmağa səsləyəsiniz.

Düşünürük ki, Sizin bu məsələdə nümayiş etdirəcəyiniz həssas davranış ümumilikdə söz və ifadə azadlığı, insan haqları və demokratiya kimi ümumbəşəri dəyərlərə olan münasibətinizi göstərəcək.

Göstərəcəyiniz həssaslığa görə sizə təşəkkürümüz bildiririk.

Cabbar Savalanın Hüquqlarının müdafiə komitəsi

Categories: AZE

CABBAR SAVALANLI BARƏSİNDƏ 2 AYLIQ HƏBS QƏTİMKAN TƏDBİRİ SEÇİLDİ

February 7, 2011 Leave a comment

Categories: AZE, РУС, ENG